An Pennsevik Byhan (córnico)

AN TEKKA HAN TRISTA tirwel y n bys yw hemma dhymmo. An keth tirwel yw han onan war an folen kyns, mes my re'n delinyas unnweyth arta rag y dhiskwedhes dhis yn ta. Ottomma an le mayth omdhiskwedhas an pennsevik byhan war an norvys hag ena mos mes a wel. Mirewgh gans rach orth an tirwel ma may hwodhvowgh y aswon yn sur mar viachyowgh neb dydh yn Afrika, yn difeythtir. Ha mar tewgh ha tremena an le na, my agas pys, na fistenewgh yn-rag mes gortewgh pols poran yn-dann an steren. Mar teu ena flogh dhywgh, mar hwerth ev, mars eus gols owrek dhodho, mar ny worthyp ev pan wovynnowgh orto, hwi a wodhvydh yn ta piw yw ev. Ytho, bedhewgh kuv! Na esewgh vy mar drist: skrifewgh dhymm yn uskis ow leverel y vos dehwelys.