El Prencipicu (leonés)

Este ye, pa mí, el más formosu y el más triste paisaxe del mundu. Ye’I mesmu paisaxe que’l de la páxina anterior, pero you lu dibuxéi una vé más pa anseñávoslu bien. Ye eiquí onde’l prencipicu apreciéu sobre la Tierra, y despuéis desapraciéu. Mirái atentamente este paisaxe polla mor d’estar seguros de recuñocelu, si viaxades un día a África, a traviés del desiertu. Y si chegades a pasar por eillí, suprícovoslo: nu vos abelléis, aguardái un ratín xusto baxo la estreilla. Si nestoncias un ñiñu se vos arima, ríyese, si tien el pelu d’ouru, si nu responde cuando se-ye pergunta, adivinaredes bien quién ye. ¡Nestoncias séi amables! nu me deixedes asina d’amurniáu: escribídeme lluego qu’él yá volviéu…