El Princhipico (judeo-español)

Este es para mi el peizaje mas ermozo i mas triste del mundo. Es el mizmo peizaje de la pajina anterior, ma lo pinti una vez mas para ke lo veash bien. Es aki onde el princhipiko aparesio sovre la Tierra, desparesiendo despues. Mirad kon tino este peizaje para estar seguros ke sepash rekonoserlo, si viajash algun dia por Afrika en el dezierto. I si vos afita de pasar por ayi, vos rogo, no vos apresuresh, asperad un poko ajusto debasho de la estreya! Si entonses un ninyo se aserka a vozotros, si rie, si tiene kaveyos de oro, si no responde kuando se le aze una demanda, endevinaresh bien ken es. Entonses seash amavles! No me deshesh tan triste: Eskrividme presto ke torno …