L Pitl Prinz (ladino guerdino)

Chësta ie per mé la cuntreda plu bela y tl medemo tëmp plu ncherscëula di mond. L ie la medema de chëla dla plata dant, ma ie ve l’é dessenieda mo n iede per ve la mustré mo miec. Tlo ie l pitl prinz cumparì sun la Tiera y pò inò sparì. Cialëdi pa avisa a chësta cuntreda, acioche sëis segures de la recunëscer, sce assais n di o l auter da vester de viac tl desert dl’ Africa. Y sce assais da passé a d’infal de chësc viers, ve prëi, ne stajede pa a avëi prëscia - aspitëde n mumënt, iust sota chësta stëila! Sce l ve vën pona ancontra n mut, sce l rij, sce l à i ciavëi d’or, sce I ne respuend nia canche n ti damanda zeche, pò ndevinerëis bën chi che l ie. Pò sëise tan boni y ne lascëme nia plu sté tan ert: scrijeme riesc che l ie inò unì zeruch …