U Principinu (siciliano)

Chistu pi mia è u chiù beddu e u chiù tristi paisaggiu dû munnu. E u stessu paisaggiu dâ pagina di prima, ma u disignavi nautra vota picchì viautri u putissivu viriri bonu. È ccà chi u principinu appariu supra a Terra e poi spariu. Taliati attentamenti stu paisaggiu pi essiri sicuri di raccanuscilu si ’n ghiornu faciti ’n viaggiu ’n Africa, nô disertu. E si vi capita di passari di ddà, vi suppricu, unn’aviti prescia, firmativi ’n momentu sutta i stiddi! E si allura’n picciriddu vi veni’ncontru, si riri, si avi i capiddi roru, si unn’arrispunni quannu s’interroca, viautri induvinati di sicuru cu è. Allura, vi raccumannu di essiri gintili! ‘Un lassatimi accussì tristi: scrivitimi subitu chi turnau…