Yn Prince Beg (manx)

Er-liam dy re shoh yn shilley s'aaley as s'trimshee er y theihll. T'eh dy jeeragh myr yn reayrt t'er y duillag elley, agh hayrn mee eh reesht myr shen nagh jinnagh shiu jarrood eh. She ayns shoh haink yn Prince Beg dys yn Ooir as she ayns shoh skell eh ersooyl voee. Jeeagh dy kiaralagh er yn reayrt shoh dy yannoo shickyr dy bee shiu cooinaghtyn eh my vees shiu troailt stiagh ayns faasagh ayns Africa ayns y traa ry-heet. As my haghyrys shiu er, ta mee guee erriu dyn dy yannoo siyr shaghey. Fuirree rish tammylt dy jeeragh fo'n rollage, as my hig dooinney beg rish, ta garaghtee dy gennal as gobbal dy 'reggyrt queshtanyn, bee fys eu quoi t'ayn.